জনগোষ্ঠীয় সংগঠক বটাৰে সন্মানিত কৰা হয় মিচিং সম্প্ৰদায়ৰ ছাত্ৰ নেতা বিজিত পায়েঙক

 সমগ্র মিচিং ৰাইজ তথা লখিমপুৰবাসী লৈ অতিকৈ  গৌৰৱময় আৰু সু-খৱৰ 

আমালৈ লেখাটি প্ৰেৰণ কৰিছে,দয়ানন্দ দলেয়ে।

বটা গ্ৰহণৰ মুহুৰ্তত

    সদৌ মিচিং ছাত্র সন্থা ( TMPK) ৰ নিষ্ঠাবান, পৰিশ্ৰমী আৰু সততাৰে সমাজৰ উন্নয়ন বাবে  কাম কৰা , বলিষ্ঠ প্ৰতিবাদী কণ্ঠৰ অধিকাৰী ,  লগতে নৱপ্ৰজন্ম সকলৰ মাজত জনপ্রিয় যুৱ নেতা হিচাপে পৰিচিত  এজন উদয়মী সাহসী জাতিটোক নেতৃত্ব দিব পৰা এজন যুৱ কন্ঠ তথা সমগ্র অসমৰ সংগঠন জগতৰ অতি কম বয়সতে এখন জিলাৰ  সম্পাদক দায়িত্বৰ লগতে সভাপতি হিচাপে জাতিটোক নেতৃত্ব প্ৰদানৰ বাবে সুযোগ লাভ কৰা যুৱ সংগঠক  TMPK, লখিমপুৰ জিলা সমিতিৰ প্ৰাক্তন সম্পাদক  তথা বৰ্তমান  জিলাখনৰ সন্মানীয় সভাপতি Mg Bijit Payeng  ডাঙৰীয়াক ২৯ ডিচেম্বৰ ২০২৪ তাৰিখে নর্থ ইষ্ট জার্নেলিষ্ট এণ্ড ডিজিটেল মিডিয়া সন্থাৰ অষ্টম বার্ষিক প্রতিষ্ঠা দিৱস আৰু বঁটা প্রদান অনুষ্ঠানত নিজৰ জাতিটোৰ বাবে নিষ্ঠাৰে আৰু সবল নেতৃত্বৰে আগবঢ়াই নিয়াৰ বাবে তেখেতক " জনগোষ্ঠীয় সংগঠক ” বঁটাৰে সন্মানিত কৰা হয় ।।

 নিশ্চয়ই কৈ এই খৱৰে  সমগ্র মিচিং ৰাইজক লগতে লখিমপুৰ জিলাখনৰ বাবে সচাঁই গৌৰৱৰ ক্ষণ হিচাপে পৰিগণিত হ'ব লগতে ঐতিহাসিক দিন হিচাপে সাক্ষী হৈ ৰ'ব । 

অভিনন্দন আৰু শুভেচ্ছা জনাইছোঁ ॥ এইয়া আপোনাৰ নিষ্ঠাৰে, নিস্বাৰ্থ ভাৱে  আৰু নিজৰ সবল ত্যাগ আৰু পৰিশ্ৰমৰে জাতিটোৰ বাবে কাম কৰাৰ মূল্য লাভ কৰিবলৈ সক্ষম হৈছে ।।

বিজিত পায়েঙৰ বিষয়ে চমু অৱলোকন আৰু সংগঠনত সক্ৰিয় কাৰ্যকাল

২০১৫ চনত TMPK, লখিমপুৰ নগৰ সমিতিৰ এজন সক্রিয় সদস্য হিচাপে TMPK পবিত্র মজিয়াত সংগ্ৰামৰ যাত্রা আৰম্ভ কৰে। ইয়াৰ পিছৰ পৰ্যায়ত তেখেতে ২০১৭ চনত  TMPK, লখিমপুৰ নগৰ সমিতিৰ  সভাপতি হিচাপে দায়িত্ব লাভ কৰি লখিমপুৰ চহৰখনত এক সংগ্ৰামৰ ধাৰা আৰম্ভ কৰাৰ লগতে লখিমপুৰ চহৰত অধ্যয়নৰত ছাত্র-ছাএী সকলৰ মাজত TMPK ৰ প্ৰতি থকা দায়বদ্ধতা আৰু কাৰ্যসূচী বিষয়ে জ্ঞাতৰ জড়িয়তে সংগ্ৰামৰ ধাৰা আগুৱাই লৈ যায় ,  তেখেতৰ নিষ্ঠা, একাগ্রতা আৰু সততাৰ সংগ্ৰামৰ বাবে ২০১৯ চনত TMPK লখিমপুৰ জিলা সমিতিৰ সহকাৰী সম্পাদক হিচাপে আৰু ২০২১ চনত জিলাখনৰ সম্পাদক হিচাপে দায়িত্ব লাভ কৰি অধিক সক্রিয়ভাবে কাম কৰি যায় , তাৰ পিছৰ সময়ত TMPK,লখিমপুৰ জিলা সমিতিৰ বিশেষ অধিবেশনৰ জড়িয়তে তেখেক এক গধুৰ দায়িত্ব হিচাপে সন্মানীয়  সভাপতি ৰূপে ২০২৩ চনত দায়িত্বভাৰ অৰ্পণ কৰা হয়। সুদীর্ঘ ১০ বছৰতকৈ অধিক কাল তেখেতে জীৱন যৌৱন ত্যাগ কৰি নিস্বাৰ্থ ভাৱে সংগ্রামৰ ফলশ্রুতি তেখেতক  বিভিন্ন সংগঠনে বিভিন্ন সন্মানেৰে সন্মানিত কৰা দেখা গৈছে  । তেখেতৰ এই সংগ্ৰামৰ ধাৰা অব্যাহত ৰাখিব বুলি আমি আশাবাদী।

সংগ্ৰামী নেতা বিজিত পায়েঙৰ আলোকচিত্ৰ

সদৌ মিচিং ছাত্র সন্থা ( TMPK) ৰ নিষ্ঠাবান, পৰিশ্ৰমী আৰু সমাজৰ উন্নয়ন বাবে  কাম কৰা , বলিষ্ঠ প্ৰতিবাদী কণ্ঠৰ অধিকাৰী ,  লগতে নৱপ্ৰজন্ম সকলৰ মাজত জনপ্রিয় যুৱ নেতা হিচাপে পৰিচিত  এজন উদয়মী সাহসী জাতিটোক নেতৃত্ব দিব পৰা এজন যুৱ কন্ঠ তথা সমগ্র অসমৰ সংগঠন জগতৰ অতি কম বয়সতে এখন জিলাৰ  সম্পাদকৰ লগতে সভাপতি হিচাপে দায়িত্ব লাভ কৰা যুৱ সংগঠক হিচাপে পৰিচিত  TMPK, লখিমপুৰ জিলা সমিতিৰ প্ৰাক্তন সম্পাদক  তথা বৰ্তমান সন্মানীয় জিলাখনৰ সন্মানীয় সভাপতি বিজিত পায়েং ডাঙৰীয়াক  অহা ২৯ ডিচেম্বৰ ২০২৪ তাৰিখে নর্থ ইষ্ট জার্নেলিষ্ট এণ্ড ডিজিটেল মিডিয়া সন্থাৰ অষ্টম বার্ষিক প্রতিষ্ঠা দিৱস আৰু বঁটা প্রদান অনুষ্ঠানত নিজৰ জাতিটোৰ বাবে নিষ্ঠাৰে আৰু সবল নেতৃত্বৰে আগবঢ়াই নিয়াৰ বাবে তেখেতক " জনগোষ্ঠীয় সংগঠক ” বঁটাৰে সন্মানিত কৰাৰ  অত্যন্ত বাবে সুখ অনুভৱ কৰিছো ।।

Read More

অসমৰ জৈৱ বৈচিত্ৰ্য and Assam Biodiversity ,GS-V

 জৈৱ বৈচিত্ৰ্য আৰু ইয়াৰ গুৰুত্ব

জৈৱ বৈচিত্ৰ্য শব্দটো সংগঠনৰ সকলো স্তৰৰ জীৱৰূপৰ বিভিন্নতা বুজাই। ইয়াৰ অন্তৰ্ভুক্ত হয় জিনৰ স্তৰ, প্ৰজাতিৰ স্তৰ, পৰিৱেশ তন্ত্ৰৰ স্তৰ আৰু বাসস্থানৰ বৈচিত্ৰ্য। ইয়াত সংঘটিত প্ৰক্ৰিয়াসমূহৰ লগতে পৰিৱেশগত পরিবর্তনক গ্ৰহণ কৰিবলৈ এইবোৰৰ ক্ষমতা জৈৱ বৈচিত্ৰ্যৰ এক বিশেষ গুণ। মানৱ সভ্যতাৰ বিকাশ, চাহিদা পূৰণ আৰু পৰিৱৰ্তনশীল পৰিৱেশৰ লগত খাপ খোৱাত জৈৱ বৈচিত্ৰ্য অমূল্য। এইবোৰৰ উপস্থিতি মানৱ কল্যাণৰ বাবে অগণ্য বিকল্প আৰু সুযোগ সৃষ্টি কৰে।

Assam Biodiversity

ভাৰতৰ জৈৱ বৈচিত্ৰ্য আৰু অসমৰ স্থান

ভাৰত মেগা বায়’ডাইভাৰ্চিটি দেশৰ তালিকাত শীৰ্ষস্থানত আছে। বিশ্বৰ প্ৰায় ৭-৮% লিপিবদ্ধ প্ৰজাতি ভাৰতত পোৱা যায়। অসম পূব হিমালয়ৰ জৈৱ বৈচিত্ৰ্য অঞ্চলৰ এটি গুৰুত্বপূর্ণ অংশ আৰু ভাৰতৰ দুটা জৈৱ বৈচিত্ৰ্যৰ হটস্পটৰ মাজত এটি। অসমত বৈচিত্ৰ্যত পৰিপূৰ্ণ পৰিৱেশগৰাকী বনাঞ্চল, ঘাঁহনি আৰু আৰ্দ্ৰভূমি প্ৰধান। এই ঠাইবোৰ বিভিন্ন প্ৰজাতিৰ উদ্ভিদ আৰু প্ৰাণী জগতৰ আশ্ৰয়স্থল।

উদ্ভিদ সম্প্ৰদায়ৰ বৈচিত্ৰ্য

অসম ফাইটো-ভৌগোলিকভাৱে সুকীয়া। ইহঁতৰ উদ্ভিদ সম্প্ৰদায়ৰ বহল বৃদ্ধি অঞ্চলটোক "উত্তৰ-পূৰ্বাঞ্চলৰ জৈৱিক দুৱাৰ" বুলি পৰিচিত কৰিছে। বিশ্বপ্ৰসিদ্ধ উদ্ভিদ বিজ্ঞানী আৰ্মেন এল তাখতাজনে অসম আৰু ফিজিৰ মাজত ফুলৰ উদ্ভিদৰ বিশেষ দোলন ধৰা পাইছিল।

অসমৰ বনাঞ্চলসমূহ বৈচিত্ৰ্যময় আৰু এগৰাকী অনন্য পৰিচয় বহন কৰে। উদাহৰণস্বৰূপে:

• ক্ৰান্তীয় ভিজা চিৰসেউজ অৰণ্য: উজনি অসমৰ বিভিন্ন অঞ্চলত দেখা যায়।
• ক্ৰান্তীয় অৰ্ধ চিৰসেউজ বনাঞ্চল: দক্ষিণ অসম আৰু কছাৰ জিলাৰ অংশত প্ৰধান।
• আৰ্দ্ৰ পৰ্ণপাতী বনাঞ্চল: ৰাজ্যৰ মধ্য আৰু নিম্নভাগত বিস্তৃত।
• উপ-গ্ৰীষ্মমণ্ডলীয় বনাঞ্চল: কাৰ্বি-আংলং আৰু এন চি হিলছৰ বিস্তৃত অংশ।
• ঘাঁহনি আৰু ছাভানা: কাজিৰঙা আৰু মানসৰ দৰে ঠাইবোৰত দৰ্শনীয়।

অসমৰ অৰ্কিড

অসমত অৰ্কিডৰ ২৯৩টা প্ৰজাতি পোৱা যায়। ই উত্তৰ-পূবৰ অৰ্কিড প্ৰজাতিৰ ৪৪.৩৯% আৰু ভাৰতৰ মুঠ অৰ্কিডৰ প্ৰায় ২৪.৪২% অংশ। এই অৰ্খিডবোৰ সাধাৰণতে চিৰসেউজ আৰু আৰ্দ্ৰ পৰ্ণপাতী অৰণ্যত পোৱা যায়। বিশেষকৈ একান্তেফিপিয়াম, ডেণ্ড্ৰ’বিয়াম, আৰু কোল’গাইন গোত্ৰৰ প্ৰজাতিসমূহ উল্লেখযোগ্য।

বাঁহ আৰু বেতৰ গুৰুত্ব

অসমত বাঁহ প্ৰায় প্ৰতিটো পৰিয়ালৰ বাবে গুৰুত্বপূৰ্ণ। ৩৮টা প্ৰজাতিৰ বাঁহ আৰু ১৪টা প্ৰজাতিৰ বেত পোৱা যায়। মুলত, মুলি বাঁহ, জাতি বাঁহ, আৰু মোকালম বাঁহ উল্লেখযোগ্য। অসমত বাঁহৰ খেতি বিস্তাৰ লাভ কৰিছে আৰু ই অসমৰ কৃষ্টি আৰু অৰ্থনীতিৰ লগত গভীৰভাৱে জড়িত।

ঔষধি উদ্ভিদৰ ভূমিকা

অসমত প্ৰায় ৯৫২টা উদ্ভিদ প্ৰজাতি চিনাক্ত হৈছে যিবোৰ চিকিৎসা ব্যৱস্থাত ব্যৱহৃত হয়। ইয়াত শতমূল, বেল, হলদী, আৰু বহুতো মূল্যৱান উদ্ভিদ অন্তৰ্ভুক্ত। গাঁৱৰ পৰম্পৰাগত অনুশীলনকাৰীসকলে এই উদ্ভিদৰ ওপৰত নিৰ্ভৰশীল।

উপসংহাৰ

জৈৱ বৈচিত্ৰ্য হৈছে অসমৰ পৰিৱেশৰ এক অনন্য বৈশিষ্ট্য। উদ্ভিদ আৰু প্ৰাণীৰ এই সম্পদসমূহ সংৰক্ষণৰ দ্বাৰা কেৱল প্ৰাকৃতিক পৰিসৰ নহয়, আমাৰ জীৱনশৈলীৰ মৌলিক প্ৰয়োজনীয়তা পূৰণ কৰা সম্ভৱ। সেয়েহে, ইয়াৰ সঠিক ব্যৱস্থাপনা আৰু ব্যৱহাৰৰ ওপৰত গুৰুত্ব আৰোপ কৰাটো একান্ত প্ৰয়োজন।

Read More

শনিবৰীয়া নিয়ৰ ১.২ কবিতামালা

শনিবৰীয়া নিয়ৰ ১.২ সংখ্যাটি কবিতামালা নামেৰে সজোৱা হৈছে শীৰ্ষক সংখ্যাটিত,নীল মিলি,অজয় পগাগ,সুখলতা টাইড আৰু কাৰ্চাং তাকাৰৰ কবিতাৰে সজোৱা হৈছে । আশা কৰিছো তেওঁলোকৰ কবিতাসমূহ পঢ়ি ভাল পাব ।

নাৰী

নীল নয়ন মিলি

নাৰী,

তুমি মাতু মাতৃ

তুমি শক্তি সৃষ্টিৰ প্ৰতিৰক্ষী।

নাৰী, 

মোৰ মানস পৃথিৱীৰ 

নিবিড় মৰম তুমি গভীৰ প্ৰশান্ত।

নাৰী, 

চিৰ উজ্জীৱিত মোৰ সেউজ প্ৰাণৰ 

হৃদয়ত লিখা এটি কবিতাৰ ছন্দ।

নাৰী, 

তুমি প্রশমিত ঢৌ 

সাগৰৰ দৰে শান্ত স্নেহময়ী অফুৰন্ত।

নাৰী, 

তুমি অর্দ্ধাঙ্গিনী 

সুবিশাল আকাশ 

যিদৰে আছে বিয়াপি 

দু-ৰ দিগন্ত।

নাৰী, 

তুমি প্ৰতিভূ জগতৰ 

জীৱন্ত খনিকৰ 

জাগ্ৰত প্ৰহৰী মহামানৱৰ।

নাৰী, 

তুমি আদ্যশক্তি ৰূপী প্ৰেৰণাময় 

কৰ্ম, ভক্তি আৰু ধৰ্মৰো 

শক্তি প্রাণময়।

নাৰী, 

তুমি সুন্দৰ আৰু সেই 

সুন্দৰ পৃথিৱীৰ সুগন্ধি 

বিলোৱা এপাহি ফুল।

নাৰী, 

এই বসুন্দৰা সৃষ্টিৰো তুমিয়েই মূল 

এয়েহে আজি হৃদয়ত থাপিছো তোমাৰ প্ৰতিমা তুমি মোৰ হিয়াৰ জ্যোতি চন্দ্রমা।

জীৱন চক্ৰ (মোৰ)

অজয় পগাগ

সযতনে সাঁচি ৰাখিম ৰক্তাশয়ত

যদিও মমবাতিৰ কথা সোঁৱৰাই

মানৱীয়তা মৰমৰ চিন্তাই সংসাৰত,

প্ৰতি নিশা বসুন্ধৰাক পোহৰাই এদিন

অমাবস্যাৰ নিশা নিজেই অন্ধকাৰত।

সফলতা বিফলতা মাজত সকলো

ভাবো কৰ্মৰ কুফল এলেহুৱাৰ কাৰণ,

তথাপিও আৰম্ভনি কোনোদিনে নাই

সুকৰ্মৰ দিশে অভ্যাসৰ ৰূপ ধাৰণ ।

হৃদয়ত সযতনে সাঁচি ৰখা আপোন

পানীৰ তলত কাঁইট হৈ বিন্ধিছে আজীৱন ।

অবিশ্বাস্য যদিও অদৃষ্ট শক্তি হৈ 

কাৰোবাৰ উপস্থিতিয়েই জীৱনত

মনত অনুকূল প্ৰেৰণা যোগালে,

যেনেকৈ কোনো অমানিশা ৰাতি 

অন্ধকাৰ স্বত্বেও সেউজী ধৰণীক 

তৰালিয়ে পোহৰাই তুলিলে ।

তোমাৰ সম্পৰ্ক এপাহ ফুলৰ দৰে

ধুনীয়া হেতুকে সুৰবৈৰীয়ে চিঙি লৈ

হেঁপাহেৰে ছবিঘৰত সজালে,

বিশ্ৰম্ভৰ মূল হিচাপে আপোন পৰ

সকলোৱে আপদৰ কালত দৰ্শায়

যে কিমান বিশ্বাসযোগ্য আছিলে ।

ল'ৰালি ও কৈশোৰ কাল অকলশৰীয়া

যদিও অপগণ্ড স্বভাৱত অঁত লগা মোৰ

জীৱন একেবাৰে নাছিলে ,

ভদ্ৰ হ'ব খোজোঁতে বেমেজালি কাম

আপোন পৰ লগে-সঙ্গে সহস্ৰ জনে 

বহুত কাল চুকে-কোণে মোলৈ হাঁহিলে ।

মোৰ অপযশ গাপ দিয়াৰ বাবদ

কোনোবাৰ আশা নিৰাশাৰে ভৰা খিদমত

সুষ্ট বিবেকত হস্তাক্ষৰেৰে উছৰ্গিলে,

আনৰ দুখত দুখি নহ'লেও একেলগে

আউল ভাং কুটুম্বিতা চিদাঙ্গৰ পৰা

চকুৰ পচাৰতে পৰিহৰ কৰিব নোৱাৰা

সঁচাকৈ জীৱনে মোক বহু কথা শিকালে।

শনিবৰীয়া কবিতা মালা

কি নাম দিম।

সুখলতা টাইড

সপোন  সপোন  লগা,

এটি  জীয়াই  সঁচা  কথা

ঠুনুকা  হৃদয়ৰ  কান্দে  অকলে

ভাঙে  বুলি  সপোনৰ  পূজা।

প্ৰেমৰ  মায়া  জালে  আগুৰিলে  কেওফালে,

সপোনৰ  মালা  গাঁঠি

অশ্ৰু  নিগৰে, নীৰৱে  আজি।

সম্ভ্ৰান্ত  এই  জীৱন  চায়াত

নিসংগ  হৈ  ৰল।

এন্ধাৰৰ  মাজত  জোনাকীৰ,

জাকে  পোহৰ  দিয়ে

বিষাদ  জীৱন  বাটত 

এৰি  থৈ  গলা  মোক  ৰুগ্ন  কৰি।

বিশাল  সৰগত  বিচাৰি  গলা 

পৰী, অপেশ্বৰীক

এটি  মাথো  ৰেণু  মই।

নতুন  ফাগুন  মোৰ  নামি  আহি

নতুন  ফাগুনৰ  পছোৱাই  মোক  চুমা  দিয়া।

মৰীচিকা  যেন  এটি  চায়া

মৰীচিকা  খেদি  খেদি  সৌ  সিপাৰলৈ

পাৰহীন  এটি  আশাৰ  পণ।

নতুন  দিনৰ আগমণ
তপন পায়েং/কাৰ্চাং তাকাৰ

নতুন বছৰবোৰ কিয় আহে ,
নাহিবা বুলিওঁ ক'ব নোৱাৰো পলকতে  বাঁহো সাজেচোন
এৰা! দুখৰ দোমোজাতে পৰি থকা হৃদয়খনক
নতুন কাপোৰ পিন্ধোৱাৰ কথাওঁ আছিল,
নতুনতে মন নতুন কৰাৰ কবিতাওঁ কেইবাৰো লিখিছিলো ॥

ঠিকনাৰ সন্ধানত ক'ত হাবাথুৰি খালো
মেপল লিপ ৰ কফি দিয়া ছোৱালীজনীক সুধিছিলো
বাইদেওঁ ইয়াত ! নতুন পাবনে?
নতুন পোৱাৰ লালসাত জেপত হাত দি চালো
নতুন কিনিবলৈ মোৰ হাতত নাই
মাথোন আছে কেৱল শূন্যতাই শূন্যতা॥

বাৰে বাৰে এই নতুনৰেই অসুখ
নতুনক সজাবলৈ নিজেই পুৰণি হৈ গ'ল
নতুনৰ সন্ধানত নিজেই লুকাল,নতুনক বিচাৰি
অথচ
এই বৃদ্ধ বৃক্ষই, নতুন পুলিক  সেউজীয়া হ'বলৈ কবলৈ নাপাহৰিল॥

নতুনৰ জন্ম হ'ব,নতুন মুখা পিন্ধা
পুৰণিৰ শ্মশানলৈ যাত্ৰা হ'ব
পুৰণিক জানো নতুন কৰিব পাৰি
অথচ পুৰণিয়ে নিশিকায় নতুনক পুৰণি হ'বলৈ ॥

Read More

অসমীয়া নতুন তথ্যৰ বিজ্ঞানৰ কথা(প্ৰথম)

ওৱাটচাপ চেনেল জইন কৰক

টেলিগ্ৰাম গ্ৰুপ জইন কৰক

 অসমীয়া নতুন তথ্যৰ বিজ্ঞানৰ  কথা,নমস্কাৰ আমি আপোনাক আমাৰ নতুন তথ্য অসমীয়ালৈ আপোনাক স্বাগতম জনাইছো এই লেখাটি,অসমীয়া নতুন তথ্যত বিজ্ঞানৰ কথাৰে নামাকৰণ  কৰিছো। এই খণ্ড একত মুঠ ক্ষুদ্ৰ ক্ষুদ্ৰ বিজ্ঞানৰ কথাৰে সজোৱা হৈছ,আশা কৰিছো আপুনি ভাল পাব। এই শিতানত আপুনিওঁ আপোনাৰ বিজ্ঞান লেখা আমালৈ প্ৰেৰণ কৰিব পাৰিব।আপুনি যদি বিচাৰি আমাৰ  ইমেইল notuntahyaasomiya@gmil.com ত প্ৰেৰণ কৰিব পাৰিব আৰু লগতে এই লেখাটি আপোনাৰ বন্ধুবৰ্গলৈ চেয়াৰ কৰিবলৈ নাপাহৰিব॥

                       খণ্ড-এক

১।ভাৰতে কেতিয়া পোন প্ৰথমবাৰৰ বাবে ৰঙৰ ব্যৱহাৰ কৰিছিল?

-ভাৰতৰ পুৰণি নগৰী সভ্যতা হৰপ্পা আৰু মহেঞ্জোদাৰোত ৰঙৰ ব্যৱহাৰ কৰিছিল।

২। কোনবিধ পতংগ মানুহৰ বাবে বেছি ক্ষতিকাৰক?

-সাধাৰণতে ছয় ভৰিযুক্ত মাখি।এই মাখিবিধে ৩০টা প্ৰজাতিৰ জীৱাণু বহন কৰে।

৩।কৃত্ৰিম উপায়েৰে কৰা মাছৰ প্ৰজননক বৈজ্ঞানিক ভাষাত কি বোলে ?

-পিচকি কালচাৰ

৪।জালনোট ধৰা যন্ত্ৰটোৰ নাম কি?

-স্পিউৰিস্কোপ

৫।কৰ্পুৰ কি?

-এবিধ মূল্যৱান গছৰ কাঠৰ পৰা পোৱা সুগন্ধি পদাৰ্থ।

৬।বগা ভালুক কত পোৱা যায়?

-উত্তৰ মেৰুত।

৭।সাগৰৰ পানী লুনীয়া কিয়?

-সাগৰৰ পানীত বিভিন্ন ধৰনৰ অজৈৱ লৱণ মিহলি হৈ থাকে।এইবোৰৰ ভিতৰত লোণ বা ছডিয়াম ক্লৰাইড বেছি পৰিমানে থাকে ।

৮।WAIS কি?

-Waster Adult Intellegence Scale। বয়স্ক  মানুহৰ বুদ্ধিমত্তা বা আই ইউ নিৰ্ণয় কৰা পদ্ধতি ।

৯।কোনো নিৰ্দিষ্ট মাধ্যমত কোনটক ৰঙৰ পোহৰৰ বেগ আটাইতকৈ বেছি আৰু কোনটো কম?

-ৰঙা ৰঙৰ পোহৰ আটাইতকৈ বেছি আৰু বেঙুনীয়া ৰশ্মিৰ কম।

১০।ৰাডাৰ মানে কি?

-সম্পুৰ্ণ  নাম ৰেডিঅ ডিটেকচন এণ্ড ৰেঞ্জিং ।প্ৰেৰণ কৰা আৰু প্ৰতিবিম্ব হৈ উভতি অহা বিদ্যুত চুম্বক তৰংগৰ সহায়ত দূৰত থকা বস্তুৰ অস্তিত্ব আৰু অৱস্থা ধৰা পেলোৱা যন্ত্ৰ॥

১১। আলবেৰুনী কোন আছিল?তেওঁ কি কাৰণ বিখ্যত?

-এঘাৰশ শতিকাৰ জ্যোতিৰ্বিজ্ঞানী আছিল।তেওঁ ইৰানৰ অধিবাসী আছিল,তেওঁ জ্যোতিৰ্বিজ্ঞানী হোৱাৰ গণিতজ্ঞ,ভূগোল,ৰসায়ন শাস্ত্ৰতো পাণ্ডিত্য আছিল।

১২।মানুহৰ শৰীৰক সুস্থ ৰাখিবলৈ কিমানবিধ ভিটামিনৰ প্ৰয়োজন?

-১৩ বিধ।

১৩।পিয়াঁজ কাটিলে কিয় আমাৰ চকুপানী ওলায়?

-পিয়াজত ছালফাৰ ডাই অক্সাইড যুক্ত পদাৰ্থ থাকে । পিয়াজ কটাদ লগে লগে এই  পদাৰ্থবোৰ বাষ্পৰ নিচিনাকৈ  বিয়পি পৰে । ই মানৱ দেহৰ ইন্দ্ৰিয়ত ছালফিউৰিক এছিড সৃষ্টি কৰে।

১৪। এছিড বৰষুণ কি ?

-অতিমাত্ৰা ঔদ্যোগিক অঞ্চলবোৰৰ  বায়ুমণ্ডলত ছালফাৰ-ডাই-অক্সাইডৰ দৰে গেছৰ নিৰ্গমন হয়।এই এছিডবোৰে বৰষুণৰ পানীৰ লগত মিলি ছালফিউৰিক এছিড আৰু  নাইট্ৰিক এছিডৰ সৃষ্টি কৰে ।

১৫।পোৰা চূণত  পানী ঢালিলে তাপ কিয় নিৰ্গত হয়?

-পোৰা চূণত কেলচিয়াম অক্সাইড নিৰ্গত হয়।

১৬। অৱতল দাপোন কাক বোলে?

-যিবোৰ গোলাকাৰ দাপোনৰ প্ৰতিফলন পৃষ্ট ভিতৰলৈ বক্ৰ তেনে গোলাকাৰ দাপোনক অৱতল দাপোন বোলে ।।

১৭।কোন ধাতুৰ গলনাংক আটাইতকৈ বেছি?

-টাংষ্টেইন,ইয়াৰ গলনাংক ৩৪২২°॥

১৮।নিউট্ৰন কি?

-পৰমাণু কেন্দ্ৰ বা নিউক্লিয়াছত থকা বৈদ্যুতিকভাৱে নিৰপেক্ষ এবিধ মৌলিক কণিকা।জেমছ জন থমছনে ইলেক্ট্ৰন আৱিস্কাৰ কৰিছিল।

১৯।বগা কাপোৰত নীল দিলে বেছি বগা কিয় দেখে?

-কাপোৰক বগা কৰাত নীলৰ কোনো ভূমিকা নাই।প্ৰকৃততে নীলে সূৰ্যৰ অতি বেঙুনীয়া ৰশ্মিক দৃশ্যক পোহৰলৈ ৰূপান্তৰিত কৰে ।সেয়ে কাপোৰত নীল দিয়াৰ ফলত যিবোৰ নীল কাপোৰৰ আহঁতত নীলা বেছি হয় এই আহঁত ত বেছি বগা দেখে॥

২০।D.D.T কি?

-কীট-পতংগ নাশক এক প্ৰকাৰৰ ক্লৰিণযুক্ত বিষাক্ত ৰাসায়নিক পদাৰ্থ। সম্পুৰ্ণ নাম(Dichlorodipheny Trichloro ethane)

২১।BOD কি

-Biological Oxygen Demand.

২২।মনকাৰ্বলিক এছিডৰ অন্য এটা নাম?

-ফেটি এছিড।

২৩।ক্লৰফৰ্মৰ ফৰ্মূলাটো কি?

-CHCL3

২৪।হাহঁৰ পাখি পানীত নিতিয়ে কিয়?

-হাঁহৰ শৰীৰৰ নেজৰ ফালে তৈল গ্ৰন্থি নামৰ এক ধৰনৰ গ্লেণ্ড থাকে ,যত চৰ্বি বা তেলজাতীয় পদাৰ্থ বাহিৰ হৈ পাখিবোৰ সকলো সময়তে তৈলাক্ত কৰি ৰাখে।

২৫।কোনবিধ প্ৰাণীৰ দৃষ্টি শক্তি প্ৰখৰ?

-জীৱজগতৰ চৰাই প্ৰজাতিটোৰ॥

Read More

পূৰ্ৱ ভাৰতীয় ৰাজনৈতিক দলসমুহ

WhatsApp Channel Join Now

Telegram Group Join Now

ভাৰতীয় জাতীয় কংগ্ৰেছৰ আগত ৰাজনৈতিক সংগঠন বা দলসমুহঃ-ভাৰতৰ ওপৰত ব্ৰিটিছে নিজৰ নিয়ন্ত্ৰণ বৃদ্ধি কৰাৰ লগে লগে জনসাধাৰণৰ মাজত এক ক্ষোভ বাঢ়ি আহিছিল তেনে প্ৰেক্ষিপ্তত ভাৰতীয় সমাজৰ মাজৰে কৃষক,জনজাতীয়,মধ্যবিত্ত শ্ৰেণীয়ে নতুন নতুন সংগঠন গঢ়ি উঠিছিল। 

বংগ ,বোম্বাই আৰু মাদ্ৰাজাৰ ৰাষ্ট্ৰপতি ভাৰতত বৃটিছ শাসনৰ তিনিটা কেন্দ্ৰ আছিল আৰু সেয়েহে শিক্ষা,মধ্যবিত্তীয় ,বুদ্ধিজীৱিৰ বৃদ্ধি আৰু ৰাজনৈতিক কাৰ্যকলাপৰ কেন্দ্ৰও আছিল।

বংগৰ ৰাজনৈতিক সংগঠনঃ

ভাৰতৰ বৃটিছ ঔপনিবেশত প্ৰথম ৰাজনৈতিক দল বংগটে সৃষ্টি হৈছিল।উদাহৰণস্বৰূপে ১৮৩৭ চনত ভূমি মালিক সমাজ আৰু তেতিয়াৰ পৰাই ৰাজনৈতিক দল গঠনৰ সুচনা আৰম্ভ হয়।

১.ভূমি মালিক সমাজ/Landholders'Society:-

১৮৩৭ চনত গঠন,

প্ৰতিষ্টাপক-দ্বাৰকানাথ ঠাকুৰ,

স্থান-কলকাতা

সদস্যঃ-ৰাধাকান্ত দেৱ,প্ৰসন্ন কুমাৰ ঠাকুৰ,ৰাজকমল সেন আৰু ভৱানী চৰন মিত্ৰ

উদ্দেশ্যঃ- বংগ,বিহাৰ আৰু উৰিষ্যাৰ মাটিৰ মালিকৰ সংঘ আৰু মাটিৰ মালিকৰ স্বাৰ্থ ৰক্ষা কৰা । ইয়াৰ উদ্দেশ্য পুৰণৰ বাবে সাংবিধানীক বিক্ষোভৰ পথ গ্ৰহণ কৰিছিল।১৮৪২ চনত এই দল নিষ্ক্ৰিয় হৈ পৰে যদিও ১৮৫০ চনলৈকে ই অস্তিত্ব বজাই ৰাখিছিল।

২.বংগ বৃটিছ ভাৰত সমাজ/Bengal British India Society:-

১৮৪৩ চনত প্ৰতিষ্টা,প্ৰতিষ্টা হৈছিল কলিকতাত।

উদ্দেশ্যঃ-ভাৰতীয় জনসাধাৰণৰ মাজত ভাল নাগৰিকত্বৰ গুণসমূহ প্ৰসাৰিত কৰা,শাসনৰ অৱস্থাৰ বিষয়ে জনসচেতনতা বৃদ্ধি কৰা,আৰু ইংলেণ্ডত ৰাজত্ব কৰা ৰাষ্ট্ৰপতি আৰু চৰকাৰৰ প্ৰতি আনুগত্যৰ সৈতে সামঞ্জস্যকপূৰ্ণ আৰু আইনী উপায়েৰে বাস্তৱায়িত দিশত কাম কৰা ।

৩.বংগ সন্থা/Bengal Association:

১৮৫২ চনৰ কলিকতাত প্ৰতিষ্টা হৈছিল।ইয়াৰ উদ্দেশ্য আছিল,ই বৃটিছ সংসদত সম্পুৰ্ণভাৱে কেৱল ভাৰতীয়ই গঠন কৰিছিল আৰু ভাৰতীয় বিধান পৰিষদ গঠন কৰিবলৈ আবেন জনোৱাৰ কাম আছিল।

 ভাৰতীয়সকলক সকলো উচ্চ পৰ্যায়ৰ পদৰ পৰা বাদ দিয়াৰ নীতিৰ লগতে ইউৰোপীয় পোষ্টিঙৰ বাবে হোৱা বিলাসী ব্যয়কপ গঢ়িহনা দিছিল।

৪.ৰাষ্ট্ৰীয় ভাৰতীয় সংগঠন/National Indian Association(NIA)

১৮৭০ চনৰ বৃষ্টলত মেৰী কাৰ্পেন্টাৰ,কেশৱ চুনাৰ সেনৰ সহায়ত গঠন কৰা হৈছিল।সংস্থাটোৰ প্ৰথম নাম আছিল-National Indian Association and Social Progression in India.এই সংস্থাৰ প্ৰাৰম্ভিক কাম আছিল ভাৰতত নাৰীৰ শিক্ষা প্ৰচাৰ কৰা।ভাৰতীয় বিষয়ত ইংৰাজক জনোৱা । বৃটেইনত ভাৰতীয়ৰ সংখ্যা বৃদ্ধি পোৱাৰ লগে লগে ভাৰতীয় দৰ্শনাৰ্থী আৰু বৃটিছ বাসিন্ধাৰ মাজত সামাজিক যোগাযোগ ব্যৱস্থা গুৰুত্বপূৰ্ণ হৈছিল।

৫.ইণ্ডিয়ান লীগ/Indian Leaguez:-

১৮৭৫ চনত ছিৰিছ কুমাৰ ঘোষে গঠন কৰিছিল ।ইয়াৰ লক্ষ্য আছিল কেৱল মধ্যবিত্ত শ্ৰেণীকে নহয়  ,ই জনসাধাৰণকো প্ৰতিনিধিত্ব কৰা আৰু জনসাধাৰণৰ  মাজত জাতীয়তাবাদৰ ভাৱ জগাই তোলাৰ আকংক্ষা গঢ়ি তোলা।

৬.Indian Nationa Association/ভাৰতীয় জাতীয় সন্থাঃ-

১৮৭৬ চনত সুৰেন্দ্ৰনাথ বেনাৰ্জী আৰু আনন্দমোহন বসুয়ে গঠন কৰিছিল।গঠন কৰাৰ পটভূমি আছিল ১৮৭৫ চনৰ ছিছিৰ কুমাৰ আৰু সমুভ চৰণ মুখাৰ্জীয়ে মধ্যবিত্ত শ্ৰেণীক প্ৰতিনিধিত্ব কৰি জনসাধাৰণৰ মাজত জাতীয়তা বাদৰ ভাৱ গঢ়ি তুলিবলৈ ইণ্ডিয়া লীগ গঠন কৰিছিল। 

ভাৰতীয় জাতীয় সন্থা ভাৰত সভা হিচাপে প্ৰতিষ্টা কৰিছিল আৰু ইয়াৰ প্ৰথম বাৰ্ষিক সন্মিলন কলিকতাত হৈছিল।

পিছলৈ,১৮৮৬ চনত ভাৰতীয় জাতীয় কংগ্ৰেছৰ লগত সন্মিলিত  হয়।

ইয়াৰ মূল উদ্দেশ্য আছিলঃ- ৰাজনৈতিক বিষয়ত শক্তিশালী জনমত স্থাপন কৰা।ভাৰতীয় সকলক এক উমৈহতীয়া ৰাজনৈতিকভাৱে একতা কৰা।

১৮৭৭ চনত ভাৰতীয় অসামাৰিক সেৱাৰ প্ৰাৰ্থীৰ বয়সৰ সীমা আতঁৰোৱাৰ বিৰোধিতা কৰিছিল।এই সংস্থাটোৱে ইংলেণ্ড আৰু ভাৰত দুয়োখন দেশতে সমান্তাৰালভাৱে অসামাৰিক সেৱাৰ পোষকতা কৰাৰ লগতে উচ্চ প্ৰশাসনিক পদৰ ভাৰতীয়কৰণৰ পোষকতা কৰিছিল।।

ভাৰতীয় জাতীয় সন্থাৰ নেতৃত্বত দমনমূলক অস্ত্ৰ আইন আৰু ভাৰ্নাকুলাৰ প্ৰেছ আইন বাতিলৰ প্ৰচেষ্টা কৰিছিল। 

 

মহাৰাষ্ট্ৰৰ ৰাজনৈতিক সংগঠন

 মহাৰাষ্ট্ৰৰ শিক্ষিত মধ্যবিত্ত শ্ৰেণীৰ ৰাজনৈতিক কাম-কাজত লিপ্ত হোৱাৰ বাবেই মহাৰাষ্ট্ৰৰ লগতে লগতে ভাৰতৰ বাহিৰতো কেইবাটাও ৰাজনৈতিক সংগঠনৰ জন্ম হৈছিল।

১.লণ্ডন ইণ্ডিয়ান ছ'চাইটি/London Indian Society:

১৮৬৫ চনত দাদাভাই নৌৰজিৰ নিৰ্দেশনাত প্ৰতিষ্টা হৈছিল লণ্ডনত।ছাত্ৰ-ছাত্ৰীৰ প্ৰতিষ্টাৰ গোটৰ ভিতৰত আছিল উমেশ চন্দ্ৰ বেনাৰ্জী,মনমোহন ঘোষ,ফেৰজেচাহ মেহতা আৰু বদৰুদ্দিন ত্যাব্জি।ভাৰতীয় ছাত্ৰ-ছাত্ৰীয়ে ৰাজনৈতিক অভিযোগ প্ৰচাৰৰ মঞ্চ হিচাপে প্ৰতিষ্টা কৰিছিল। ইউৰোপীয়সকলৰ বাবে সন্মানীয় সদস্যপদৰ অনুমতি আছিল যদিও তেওঁলোক ভোটদান বা কাৰ্যবাৰ গ্ৰহণ কৰিব নোৱাৰিছিল। 

১৮৬৬ চনত ইষ্ট ইণ্ডিয়া এছচিয়েচনে লণ্ডন ছচাইটিৰ দায়িত্ব লয় ।

 ২.ইষ্ট ইণ্ডিয়া এছচিয়েচন/East India Association

১৮৬৬ চনত ভাৰতীয় অৱসৰ প্ৰাপ্ত বৃটিছ বিষয়াৰ সহযোগত দাদাভাই নৌৰজীয়ে লণ্ডনত প্ৰতিষ্টা কৰিছিল।প্ৰথম সভাপতি আছিল লৰ্ড লাইলেভেন।ভাৰতৰ বিষয়ে আৰু ধাৰণা আলোচনা কৰাৰ লগতে চৰকাৰৰ ওচৰত ভাৰতীয়সকলৰ প্ৰতিনিধিত্ব কৰাৰ এক মঞ্চ আছিল।

আৰম্ভনিৰে পৰা ইষ্ট ইণ্ডিয়ই এছচিয়েচনে এখন আলোচনী জাৰ্নেল অৱ দ্য ইষ্ট ইণ্ডিয়া এছচিয়েচন নামেৰে প্ৰকাশ কৰিছিল।

১৯৪০ চনৰ মাৰ্চ মাহত অমৃতসৰ হত্যাকাণ্ডৰ সময়ত উধ্ৱম সিঙে কেক্সটন হলত মাইকেল অডৱায়াৰক হত্যা কৰা হৈছিল।

১৯৬৬ চনত পূৰ্ৱৰ ইণ্ডিয়া ছচাইটি বৰ্তমানৰ ৰয়েল ইণ্ডিয়া ,পাকিস্তান আৰু চিলন ছচাইটি নামেৰে জনাজাত হয় আৰু পিছলৈ ৰয়েল ছচাইটি অৱ ইণ্ডিয়া ,পাকিস্তান আৰু চিলন নামেৰে গঠন হয়।

 ৩.পুনা সাৰ্বজনিক সভা/Poona Sarvajanik Sabha

১৮৭০ চনৰ এপ্ৰিল মাহত পুনে,মহাৰাষ্ট্ৰত জিভি যোশী,এছ এইছ স্যাথে,এছ এইছ চিপ্লোংকাৰ আৰু মহাদেৱ গোবিন্দ ৰানাডে আদিৰ নেতৃত্বত গঠন হৈছিল।সভাটোৰ লক্ষ্য উদ্দেশ্য আছিল,চৰকাৰ আৰু ভাৰতীয়ৰ মাজত মধ্যস্থতাকাৰী হিচাপে কাম কৰিবলৈ সভা গঠন কৰা হৈছিল।১৮৭২  চনত সভাই ৰাজ্যৰ কৃষক আৰু কৃষি অৱস্থাৰ তদন্ত কৰি শোষণৰ পৰা ৰক্ষা কৰিবলৈ এখন উপ-সমিতি গঠন কৰে।১৮৭৬ চনত সভাই ডেক্কান অঞ্চলত দুৰ্ভিক্ষ সাহায্যৰ আয়োজন কৰা হয়।১৮৭৫ চনত সভাই বৃটিছ সংসদত ভাৰতীয় প্ৰতিনিধিত্বৰ বাবে House of Commons আবেদন জনাই।

৪.বোম্বে প্ৰেচিডেঞ্চি এছচিয়েচন Bombay Presidency Association

১৮৮ চনত ফিৰোজশ্বাহ মেহতা,কে টি তেলাং আৰু বদৰুদ্দিন ত্যাবজী তেওঁলোকৰ দ্বাৰা সংগঠনতো গঠন হয়। লিটনৰ প্ৰতিক্ৰিয়াশীল নীতি আৰু ইলবাৰ্ট বিলৰ বিতৰ্কৰ প্ৰতি সহাৰি জনাই ইয়াৰ প্ৰতিষ্টা কৰা হৈছিল।

মাদ্ৰাজৰ  ৰাজনৈতিক সংগঠন

বংগ আৰু মহাৰাষ্ট্ৰৰ পাছত মাদ্ৰাজতো ৰাজনৈতিক সংগঠন গঢ়ি উঠিছিল।

১.মাদ্ৰাজ নেটিভ অৰ্গেনাইজেচন(MNA)

১৮৫২ চনত গজুলা লক্ষ্মীনৰসু চেট্টীৰ দ্বাৰা চেন্নাইত গঠন হৈছিল। মাদ্ৰাজত গঠন হোৱা প্ৰথম ভাৰতীয় ৰাজনৈতিক সন্থা।

সংগঠনতো গঠন হোৱাৰ কাৰণঃ-ভাৰতত কোম্পানী শাসন সম্পৰ্কে বৃটিছ সংসদত হোৱা আলোচনাই MNA গঠনৰ প্ৰেৰণা যোগাইছিল। এই সংগঠনে চাৰ্টাৰ আইন শেষ কৰিবলৈওঁ আবেদন জনোৱা হৈছিল।

 ২. মাদ্ৰাজ মহাজন সভা

১৮৮৪ চনৰ মে মাহত মাদ্ৰাজত প্ৰতিষ্টা লাভ কৰিছিল। এম বীৰৰাঘৱ চাৰিয়াৰ,সুব্ৰমনিয়াম আয়্যাৰ আৰু পি আনন্দ চাৰ্লুৰৰ দ্বাৰা প্ৰতিষ্টিত হৈছিল।সংগঠনতোৰ সভাপতি আছিল পি ৰঙাইয়া নাইডু। সভাতোৰ লক্ষ্য আছিল-দেশখনক বৃটিছ শাসনৰ পৰা মুক্ত কৰা জাতীয় সমস্যা সমাধান কৰা।

 

 

 

Read More

শিখনা জহ্বালাও ৰাষ্ট্ৰীয় উদ্যান ,নতুনকৈ প্ৰস্তাৱিত ৰাষ্ট্ৰীয় উদ্যান

 এই লেখাতো সাম্প্ৰতীক পৰিস্থিতিৰ সৈতে জড়িত এটি লেখ যত প্ৰতিযোগীতা পৰীক্ষাৰ বাবে গুৰুত্বপুৰ্ণ।

২০২৪ চনৰ ১৫ আগষ্টৰ ৭৮ সংখ্যক স্বাধীনতা দিৱসত অসমৰ মুখ্যমন্ত্ৰী ড হিমন্ত বিশ্ব শৰ্মাই চিৰাং আৰু ভাৰত-ভূটান সীমান্তত অৱস্থিত চিৰাং -ৰিপু অঞ্চল ৩২১.৯০ কিলোমিটাৰ বনাঞ্চলক  শিখনা জহ্বলাও ৰাষ্ট্ৰীয় উদ্যান হিচাপে ঘোষনা কৰে।

স্থানঃ-ভাৰতৰ অসমৰ বড়োলেণ্ড  টেৰিটেৰিয়েল (BTR),উত্তৰ পূৱে লাগু থকা ৰাইমনা ৰাষ্ট্ৰীয় উদ্যানৰ গাতে লাগি আছে  । সীমা হিচাপে আছে সৰলভংগা নদীখন

স্থানীয় ভাৱে স্বৰ্মাংগ নামেৰে খ্যাত॥

হালটুগাওঁ বনাঞ্চল,কোকৰাঝাৰ জিলাৰ ঝাৰবাৰী বনাঞ্চল আৰু চিৰাং জিলাৰ ৰুণীখাটা অঞ্চলকে ধৰি ৮ নং ৰাষ্ট্ৰীয় উদ্যান শিখনা জহ্বালা ৰাষ্ট্ৰীয় উদ্যান হিচাপে সামৰি লোৱা হৈছে ।Bodoland Territoria  মুঠ বৰ্তমান তিনিখন ৰাষ্ট্ৰীয় উদ্যানৰ ভিতৰত এটা-

• মানস ৰাষ্ট্ৰীয় উদ্যান
• ৰাইমনা ৰাষ্ট্ৰীয় উদ্যান 
• শিখনা ৰাষ্ট্ৰীয় উদ্যান

শিখনা জহ্বালা ৰাষ্ট্ৰীয় উদ্যান হিচাপে নামাকৰণ কৰিছে

Shikna Jwalao Statue

কিংবদন্তী প্ৰবাদ মতে এই অঞ্চলত শিখনা জহ্বালা নামেৰে এজন নায়ক শাসন কৰিছিল।১৮৬৪-৬৬ চনৰ সময়ছোৱাত ভূটান আৰু  ইষ্ট-ইণ্ডিয়া কোম্পানীৰ মাজত হোৱা যুদ্ধৰ সময় বৃটিছ বাহিনীৰ বিৰুদ্ধে যুঁজ দিছিল। তেওঁৰ ৰাজধানী শিখনাঝাৰ ভাৰত -ভূটান সীমান্তবৰ্তীত চহৰ সৰভাঙৰ ওচৰৰ সংৰক্ষীত বনাঞ্চলত আছিল,যাক বৰ্তমান সময়ত অসম চৰকাৰে শিখনা জহ্বালা ৰাষ্ট্ৰীয় উদ্যান হিচাপৰ নামাকৰণ কৰিছে ।বৰ্তমান সময়ছোৱাতো তেওঁৰ ৰাজধানীৰ ধবংসাৱশেষ পোৱা গৈছে । এই অঞ্চলটোক দেৱতা আৰু আত্মাৰ পবিত্ৰ বাসস্থান বুলি গণ্য কৰি আহিছে ,এই অঞ্চলটোত বড়োসকলে প্ৰতিবছৰে ভাটৌ পূজা পালন কৰি আহিছে ।

পৰ্যটন কেন্দ্ৰীয় ঠাইসমুহ

পশ্চিমৰ পৰা পূবলৈ উলতাপানী নদী বৈ যোৱা অঞ্চলটো পখিলাৰ হটস্পট।২০০৯ চনত কোকৰাঝাৰ বিজ্ঞান মহাবিদ্যালয়ৰ প্ৰাণীবিজ্ঞানী কুশল চৌধুৰী ৮১ টা প্ৰজাতিৰ পখিলাৰ মাজত ৭৪৩১ টা পখিলাৰ মৃত্যুৰ তথ্য পোৱা গৈছে ।এই ৰাস্তাবোৰত হাতী ,সোনালী লেংগুৰ,গ্ৰেট ইণ্ডিয়ান হৰ্ণবিলা আৰু ৰেড জংঘলফল আদি চৰাই সমুহ প্ৰৰ্যটন আকৰ্ষনীয় বিন্দু।

গ্ৰীষ্মকালত জলপ্ৰপাত ,খাল পাহাৰ আৰু সতেজ ঠাণ্ডা গা ধুৱাৰ আমোদজনক লব পাৰি আনহাতে ইয়াৰ উত্তৰ পশ্চিমে ভূটান ভাৰত সীমান্তৰ পাদদেশ ।

শিখনা ৰাষ্ট্ৰীয় উদ্যান স্থাপন

চিৰাং ৰিংপু  সুসংৰক্ষিত বনাঞ্চল ,যত হাতী সংৰক্ষিত বনাঞ্চল হিচাপে অধিসুচনা কৰা হৈছে আনহাতে ২০০৩ চনৰ মাৰ্চ মাহৰ ৬ তাৰিখে  মাইক চাইট(Monitoring the illegal of Elephants)  হিচাপে নিৰ্ধাৰণ কৰা হৈছে। উল্লেখযোগ্য যে বিগত কেইবছৰ মানৰ পৰা চিৰাং -ৰিপু হাতী সংৰক্ষিত বনাঞ্চল ধবংস কৰি বনভূমি কৃষিলৈ ৰূপান্তৰিত কৰি আহিছে । ফলত যোৱা বছৰত অঞ্চলটোত হাতী-মানুহৰ সংঘাত তীব্ৰতৰ হৈ পৰিছে ।প্ৰতিবছৰে বন্যসস্তীৰ আক্ৰমনত বহু লোকৰ মৃত্যু হোৱাৰ লগতে ঘৰ -দুৱাৰো ক্ষতিগ্ৰস্ত হৈছে । তাৰোপৰিওঁ একাংশ বন মাফিয়াৰ পৃষ্টপোকষতাত মূল্যবান গছ কাটি ধ্বংস কৰা হয়। সমান্তাৰালভাৱে ইটোৰ পাছত ইটো বনাঞ্চল কৃষিভূমিলৈওঁ ৰূপান্তৰিত কৰিছে ।সেয়েহে BTC নেতা প্ৰমোদ বড়োৰ নেতৃত্বত  ৰাষ্ট্ৰীয় উদ্যানলৈ ৰূপান্তৰিত কৰাৰ দিহা প্ৰকাশ কৰিছিল।

 পিছত এটা পৰীক্ষাৰ জৰীপ কৰা হয় আৰু ২০২৪ চনৰ ফেব্ৰুৱাৰী মাহৰ শেষৰ ফালে অসম চৰকাৰলৈ ৩২১.৯০ বৰ্গ কিলোমিটাৰ এলেকাৰ ৰাষ্ট্ৰীয় উদ্যান হিচাপে স্বীকৃতি দিয়াৰ প্ৰস্তাৱ প্ৰেৰণ কৰা হয়। অসমৰ মুখ্যমন্ত্ৰী ড হিমন্ত বিশ্ব শৰ্মাই ৭৮ সংখ্যক স্বাধীনতা দিৱসত চিৰাং ৰিপুক অভয়াৰন্যক শিখনা জহ্বালাও ৰাষ্ট্ৰীয় উদ্যান হিচাপে ৰূপান্তৰিত কৰা হয়।

শিখনা ৰাষ্ট্ৰীয় উদ্যানৰ ভৌগোলিক অৱস্থান

ভূগোলঃ-  এই উদ্যানখনৰ অঞ্চলতো ভাব্বাৰ বেল্ট যত অধিক জলধাৰা পোৱা যায়,উত্তৰৰ পৰা দক্ষিণলৈ মাটি লাহে লাহে ঢাল খাইছে ,গড় সমুদ্ৰপৃষ্ট ৮৫ ৰ পৰা ২৪০ মিটাৰ উচ্চতা । উদ্যানখনৰ মাজেৰে সৰলভংগা,সমুখা,চম্পাৱতী,ভূৰ,লাওপানী আৰু ধোলপানী নদী সমুহ ভূটানৰ পাহাৰৰ বৈ ব্ৰহ্মপুত্ৰৰ উপনৈ হিচাপে মিলিত হৈছে।ভাব্বাৰ অঞ্চলৰ মাটিবোৰ শুকান বালিচহীয়া লোম।

শিখনা জহ্বালাও ৰাষ্ট্ৰীয় উদ্যানৰ ভিতৰৰ উলতাপানী,লালভেটি আৰু সৰলভংগা ব্লকসমুহে প্ৰত্যেকটো ফলকীয় কাৰ্যকলাক সংগঠিত হয়।

জলবায়ুঃ-এই ৰাষ্ট্ৰীয় উদ্যানৰ জলবায়ু আদ্ৰ গ্ৰীষ্মমণ্ডলীয় বাৰিষা হিচাপে শ্ৰেণীভুক্ত কৰা হৈছে যত উষ্ণতা ৭ ডিগ্ৰী চেলছিয়াছৰ পৰা ৩৪ ডিগ্ৰী চেলছিলয়াছত আৰু শীতকালত বৰষুণৰ পৰিমান ১৫ কিলোমিটাৰৰ পৰা বাৰিষাত ১১৬২ মিলিমিটাৰ লৈকে হয়॥

WhatsApp Channel Join Now

Telegram Group Join Now

Read More

আধুনিক অসমৰ ইতিহাস ইয়াণ্ডাবু সন্ধিৰ পৰা ১৮৫৭ চনৰ চিপাহী বিদ্ৰোহলৈ

WhatsApp Channel Join Now

Telegram Group Join Now

আধুনিক অসমৰ ইতিহাস:

নতুন তথ্য অসমীয়া

ইয়াণ্ডাবুৰ পৰা ১৮৫৭ চনৰ চিপাহী বিদ্ৰোহলৈ প্ৰাক অসমত স্থানীয় ৰজা আৰু ৰজাৰ মন্ত্ৰী সকলৰ বাদ বিবাদে অসমৰ ৰাজনৈতিক পৰিবেশক ধ্বংসৰ পথলৈ ঠেলি দিব সেয়া কোনেই ভবাই নাছিল। পাত্ৰ মন্ত্ৰী সকলৰ চল চাতুৰিয়ে আৰু ৰজাৰ অকৰ্মন্যতাই ৰাজ্যৰ ভৌগোলিক দিশ সলনি কৰিব সেয়া কোনেও ভবাই নাছিল। বদনচন্দ্ৰ বৰফুকনৰ বহুৱালিয়ে হল অসমক ব্ৰিটিছৰ অধীনলৈ লৈ যোৱাৰ এটা চমু পথ। মান সকলৰ আগমন আৰু ব্ৰিটিছৰ নিজৰ আধিপত্য স্থাপন মান সকলৰ উপদ্ৰৱ আৰু অত্যাচাৰৰ পৰা মুক্তি পাবলৈ আহোম সকলে ব্ৰিটিছৰ কাষ চাপে। সেই হেতুকে আহোমে ব্ৰিটিছৰ সহায় লৈ মান সকলক অসমৰ মাটিৰ পৰা খেদিবলৈ তৎপৰ হয় আৰু শেষত ব্ৰিটিছৰ লগত মান সকলে চুক্তি কৰিবলৈ বাধ্য হয় যাক ইয়াণ্ডাবু চুক্তি বুলি জনা যায়। এই চুক্তি হৈছিল ১৮২৬ চনৰ ২৪ ফেব্ৰুৱাৰী তাৰিখে এই চুক্তিয়ে প্ৰথমে এংলো বাৰ্মিজ যুদ্ধ সমাপ্ত কৰে আৰু মানৰ শাসনৰ অন্ত পেলায়। 

 সন্ধিৰ চৰ্ত সমূহ : 

সন্ধিৰ প্ৰথম অনুচ্ছেদৰ মতে বৃটিছ আৰু বাৰ্মিজ সকলৰ মাজত বন্ধুত্ব আৰু শান্তি স্থাপন কৰা। দ্বিতীয় অনুচ্ছেদৰ মতে যুদ্ধত হোৱা ক্ষতিপুৰণৰ বাবদ বাৰ্মিজে ব্ৰিটিছক অৰ্থ পৰিশোধ কৰে। লগতে মান সকলে দখল কৰা কাছাৰ, জয়ন্তীয়া আদি পুনৰ অসমক ঘুৰাই দিয়ে গৱৰ্ণৰ জেনেৰেল ডেভিদ স্কটৰ নেতৃত্বত। কিন্তু বৃটিছে কোনো আনুষ্ঠানিক ভাৱে সমৰ্পিত কৰা নাছিল বৰং ই আছিল এক ৰাজনৈতিক চক্ৰান্ত। ব্ৰিটিছৰ আগমনে অসমক দুভাগ কৰাৰ উপৰিও ব্ৰিটিছে অসমৰ সেই নামনি আৰু উজনিত নিজৰ কৰ্তৃত্ব স্থাপন কৰে।

 নামনি অসম :

 ব্ৰিটিছে ১৮২৮ চনত নামনি অসমক স্থায়ী ভাৱে নিজৰ অধীনলৈ আনিছিল।

 উজনি অসম:

(১৮৩৩-১৮৩৮) ব্ৰিটিছে নিজৰ কৌশল সাৰোগত কৰি অসমৰ স্বকীয়তা তথা ৰাজনৈতিক দিশক সামৰি অসমৰ এজন আহোম ৰজা পুৰন্দৰ সিংহক গুৱাহাটী চুক্তিৰ অধীনত উজনি অসমত পুনৰ সংস্থাপন দিয়ে। কিন্তু তেওঁৰ প্ৰশাসন বিফল হোৱাত ১৮৩৮ চনত উজনি অসম ব্ৰিটিছৰ অধীনলৈ যায়। ব্ৰিটিছৰ ক্ষমতা স্থাপনৰ লগে লগে বাৰ্মিজে দখল কৰা কাছাৰ ৰাজ্যত আহোম সকলক পুনৰ সংস্থাপন দিয়ে। সন্ধিৰ পিছত কাছাৰৰ মুখ্য অনুষ্ঠান সমূহ সংযোজন কৰে। মান সকলৰ পৰিত্ৰাণৰ পাছত কাছাৰ সকলে বদৰপুৰ চুক্তি অনুসৰি ব্ৰিটিছৰ লগত মিত্ৰতা স্থাপন কৰে যত ছেই সময়ৰ ৰজা আছিল গোবিন্দ চন্দ্ৰ। কাছাৰৰ প্ৰভাৱশালী ব্যক্তি আছিল তুলাৰম সেনাপতি , ই উত্তৰ কাছাৰত নিজৰ কৰ্তৃত্ব স্থাপন কৰিছিল। ব্ৰিটিছে ক্ৰমান্বয়ে উত্তৰৰ পৰা দক্ষিণলৈ নিজৰ আধিপত্য স্থাপন কৰিছিল আৰু ১৮৩২ চনত দক্ষিণ কাছাৰত নিজক সম্পূৰ্ণ ৰূপে আধিপত্য স্থাপন কৰিছিল । তুলাৰামে ব্ৰিটিছৰ কবলৰ পৰা মুক্তি পাবলৈ নিজৰ শক্তি অটুট ৰাখিছিল ১৮৫০ চনত তেখেতৰ মৃত্যুৰ ফলত ১৮৫৪ চনত উত্তৰ কাছাৰ সম্পূৰ্ণ ৰূপে ব্ৰিটিছৰ অধীনস্থ হয়। জয়ন্তীয়া ৰাজ্যৰ পতন জয়ন্তীয়া ৰজা সকলৰ মাজত কিছু মনোমালিন্য ঘটাৰ বাবে জয়ন্তীয়া ৰাজ্যৰ প্ৰশাসন আৰু প্ৰত্যাহ্বান ব্ৰিটিছৰ অধীনস্থ হয় যত ব্ৰিটিছ সম্প্ৰসাৰণবাদী নীতিয়ে ১৮৩৫ চনত সম্পূৰ্ণ ভাৱে জয়ন্তীয়া ৰাজ্যক ব্ৰিটিছৰ লগত সংযোজন কৰে। অসমত ব্ৰিটিছ বিৰোধী বিদ্ৰোহ অসমত ব্ৰিটিছৰ দমন শোষণ আৰু শাসনক শেষ কৰিবলৈ অসমৰ নতুন চিন্তাশীল আৰু প্ৰভাৱশালী নেতাসকলৰ উত্থান ঘটে। যত ১৮২৮ চনত পোন প্ৰথমবাৰৰ বাবে ব্ৰিটিছৰ বিৰুদ্ধে বিৰোধীতা কৰিবলৈ মন মেলে। আৰু বিৰোধীতা সকলৰ ভিতৰত গোমধৰ কোঁৱৰ অন্যতম । ধনজয় বৰগোহাঁই আছিল গোমধৰ কোঁৱৰৰ সবল সমৰ্থিত নেতা । আন্দোলনৰ ফলাফল হিচাপে ব্ৰিটিছে এই বিদ্ৰোহ দমন কৰিছিল আৰু গোমধৰ কোঁৱৰক কাৰাগাৰত বন্দী কৰিছিল। প্ৰথমটো আন্দোলন বিফল হোৱাৰ পিছতো এই আন্দোলন অব্যাহত আছিল । ১৮২৯ চনত পুনৰ ধাৰাবাহিক বাবে আন্দোলনৰ গতি চলি আছিল আৰু এই আন্দোলনত পিয়লি ফুকন , ধনঞ্জয় বৰগোহাঁই, ৰূপচান্দ কোঁৱৰ আৰু অন্যান্য বহুতে যোগদান কৰিছিল। সেই আন্দোলনত পিয়লি ফুকন আৰু জীউৰাম দুলিয়াক কাৰাদণ্ড বিহিছিল লগতে আন নেতা সকলক কাৰাৰুদ্ধ কৰিছিল। খাচী সকলৰ এজন প্ৰভাৱশালী নেতা তিৰুৎ সিঙেও ব্ৰিটিছৰ বিৰুদ্ধে বিৰোধীতা কৰিছিল। কিন্তু আন্দোলনৰ কোনো মূল নোপোৱাত অসমৰ ৰজা আৰু ভিন্ন জাতিৰ লোক সকলে ব্ৰিটিছৰ লগত ১৮৩২ চনত মিত্ৰতা নীতি স্থাপন কৰে হলেও পিছলৈ অসমৰ খিলনজীয়া লোক সকলে এই ধাৰা অক্ষুণ্ণ ৰাখে।

 অসমত ১৮৫৭ ৰ চিপাহী বিদ্ৰোহৰ প্ৰভাৱ:

ভাৰতত হোৱা চিপাহী বিদ্ৰোহৰ বিদ্ৰোহে অসমতো প্ৰভাৱ পেলায় যাৰ পৰিণাম আছিল ব্ৰিটিছক খেদা। ১৮৫৭ চনত স্থানীয় লোক সকলে ব্ৰিটিছৰ বিৰুদ্ধে প্ৰত্যাহ্বান জনাই নতুন সমদলৰ সৃষ্টি কৰে। যত অসমৰ প্ৰথম চিপাহী বিদ্ৰোহৰ বিৰুদ্ধে বিৰোধীতা কৰা হিচাপে মণিৰাম দেৱান বিখ্যাত আছিল আৰু সেই তেতিয়াৰ ৰাজকুমাৰ কন্দৰ্পেশ্বৰ সিংহক ব্ৰিটিছৰ বিৰুদ্ধে বিদ্ৰোহ দিবলৈ আহ্বান কৰিছিল। চিপাহী সকলৰ কম বেতন তথা অত্যধিক কৰ্তব্যত নিযুক্তিয়ে ভাৰতীয় চিপাহী সকলক আশ্বস্ কৰিছিল। যত চিপাহী সকলে ব্ৰিটিছৰ বিৰুদ্ধে আন্দোলন কৰিছিল। সেই অনুসৰি মণিৰামে পুৰস্কাৰৰ প্ৰতিশ্ৰুতি দি চিপাহী সকলক আন্দোলন যোগদান কৰিবলৈ অনুৰোধ কৰে। সেই চিপাহী বিদ্ৰোহত ব্ৰিটিছক ধূলি দি পলাই যাব নোৱাৰি মণিৰাম দেৱান আৰু পিয়লি বৰুৱাক ফাঁচী দিয়ে। কন্দৰ্পেশ্বৰ সিংহক ৰেহাই দিছিল যদিও নিৰীক্ষণত ৰাখিছিল।

Read More

কবি যোগেন টাইড আৰু নাই,সৰিয়হ ফুলৰ কবি আৰু নাই-মন্টুৰাম টাইড

WhatsApp Channel Join Now

Telegram Group Join Now

 কবি যোগেন টাইড আৰু নাই

✍️ মন্টুৰাম টাইদ 

কবি যোগেন টাইড আৰু নাই

আপুনি থকা কেইদিন

চাংঘৰটোৰ মুগা চুলিবোৰ উৰি আছিল 

ইমান খৰধৰ নকৰিলেও হ'ব দিয়ক 

আজি ৰাতি থাকি যাওক

বুলি কোৱা মানুহজন আজি আমাৰ মাজত নাই ।

মন্টুৰাম টাইডৰ অন্য লেখা পঢ়ক

কাজিৰঙা ৰাষ্ট্ৰীয় উদ্যান আৰু মিচিং মানুহজন,আপুনি জানিছিল নে এই মিচিং মানুহজন বা কোন? পঢ়িবলৈ তলৰ নীলা ৰঙৰ শব্দটো ক্লিক কৰক          নতুন অসমীয়া তথ্য

 

শেষৰখন আসনত বহি 

আপোন মনে তামোল চোবাই থকা

কবিৰ সভাত বক্তাতকৈ শ্ৰোতা হৈ ভাল পোৱা

কবি যোগেন টাইড আৰু নাই । 

কেতিয়াবা তোমাক মাছৰ বজাৰত দেখা পাওঁ

তুমি ইটো পাৰে মই সিটো পাৰে

তুমি নথকা হ'লে মই কেতিয়াও তোমালোকৰ 

নৈখন পাৰ নহ'লোঁহেঁতেন 

বুলি কোৱা মানুজন আজি নাই । 

প্ৰতিবছৰে 'দগপ্পুন ' গোষ্ঠীৰ আয়োজনৰ দ্বাৰা

সোৱণশিৰি‌ৰ বালিচৰত কবিতাৰ উৎসৱ পাতি

নাও এখনৰ ব্যৱস্থা কৰি কোনে আপোনালৈ 

হেঁপাহেৰে ৰৈ থাকিব আজি ?

আজি ৰাতি থাকি যোৱা হ'লে  বুলি ক'বলৈ

হালধীয়া সৰিয়হ ডৰা ৰখিবলৈ

জংকি- পানৈৰ কথা ক'বলৈ

আজি ৰাতি থাকিলে আপোনাক

মই মোৰ প্ৰিয় নৈখন দেখুৱাম বুলি কবলৈ

কবি যোগেন টাইড আৰু নাই ।

"সৰিয়হ ৰখীয়া এজনী গাভৰু"-ৰ 

বুকুৰ অই-নিঃতম আজি 

কোনে আপোনাক শুনোৱাব ?

জংকি-পানৈৰ প্ৰেমৰ সুবাস বিচাৰি

প্ৰেম আৰু প্ৰতীক্ষাৰ ঘাট ঘূণাসুঁতিলৈ

যেতিয়া আপুনি আহিব

অতিথি আপ্যায়ন কৰি কোনে আপোনাক ক'ব

আজি ৰাতি থাকি যোৱা হ'লে । 

অন্ততঃ 'আজি ৰাতি থাকি যোৱা হ'লে' ককাইদেউ 

বুলি ক'বলৈ আৰু নাই । 

Read More